Мэндчилгээ

“Есөн Финанс ББСБ” ХХК нь үүсгэн байгуулагдсан цагаасаа эхлэн санхүүгийн үйлчилгээний хүртээмжийг нэмэгдүүлэх, бичил санхүүгийн зах зээлд өөрийн гэсэн өнгө төрх, үнэ цэнтэй орон зайг бий болгохыг зорин ажиллаж ирлээ. Бид салбартаа шинэлэг бүтээгдэхүүн, үйлчилгээ тасралтгүй нэвтрүүлж, харилцагчийнхаа итгэлт түнш байхын зэрэгцээ улс эх орныхоо эдийн засгийн хөгжилд бодитой хувь нэмэр оруулсаар ирсэндээ баяртай байдаг. Бид харилцагч, бизнес эрхлэгчийнхээ эрэлт хэрэгцээг соргогоор мэдэрч, хөгжил дэвшил рүү алхам алхмаар урагшилсаар ирсэн. Үүний тод илэрхийлэл болгон 2020 онд “Гар утасны дугаар барьцаалсан зээлийн төв”-ийг ашиглалтад оруулж, зах зээлд уян хатан нөхцөлтэй санхүүгийн шинэ шийдлийг санал болгон хамтын ажиллагаагаа өргөжүүлсэн билээ. Улмаар дижитал эрин үеийн хөгжил, харилцагчийнхаа цаг хугацааг хэмнэх шаардлагад тулгуурлан бид 2023 оноос уламжлалт зээлийн бүтээгдэхүүн, үйл ажиллагаагаа цахим хэлбэрт бүрэн шилжүүлж, “Металэнд” (Metalend) дижитал зээлийн аппликейшнийг зах зээлд амжилттай нэвтрүүлсэн юм. Өнөөдөр “Есөн Финанс ББСБ” ХХК нь салбартаа мэргэшсэн чадварлаг хүний нөөц, харилцагч төвтэй үйлчилгээний соёл болон дэвшилтэт финтек шийдэлдээ түшиглэн, Монгол Улсын цахим санхүүгийн шилжилтийг түүчээлж байна. Бид ирээдүйд харилцагч бүрийнхээ амжилтыг дэмжиж, эх орныхоо эдийн засаг, нийгмийн тогтвортой хөгжилд бодит дэмжлэг үзүүлэн, хамтдаа өсөн дэвжихийн төлөө тууштай ажиллах болно.